Saravanaa Bhavan (已搬遷) 新店位置

去尖沙咀食印度野通常都會諗起去重慶大廈，今日朋友就帶我去試下重慶以外既印度餐，餐廳位於亞士厘道樓上鋪。menu有好多選擇，最後點左1. 1份特製套餐 2.Naan 3.印度洋蔥烤餅 一齊share特製套餐包10小碟印度特色食品，印度米，炸餅，煎餅同麥餅。10小碟有幾款咖喱，每款都係素咖喱但就用唔同蔬菜為主，有南瓜薯仔咖喱相比起其他無咁辣帶少少甜，鷹咀豆咖喱味香濃送飯或配簿餅都好味。當中有2碟白色既小碟問過店員原來係乳酪，係用黎化解咖喱辣味，當食到覺得太辣就可以飲一啖乳酪，而較杰身既乳酪就可又用簿飯沾上乳酪去食。當中有碟小蕃茄湯酸酸辣辣幾開胃！入面有碟紅色既原來係紅菜頭沙律，紅菜頭好甜，配上帶有小小酸既汁可以中和下咖喱味。入面有份係印度人特色甜品，用糖水將炸過麵粉團浸住。炸餅好似中式煎堆咁，新鮮炸起，熱辣辣👍🏻簿餅都幾香小麥味，鬆軟煙煙靭靭，點咖喱吸晒咖喱汁好香。Naan大大塊又烤得唔油，乾脆，洋蔥烤餅洋蔥係用紫洋蔥，紫洋蔥份量好足，每一啖都食到紫洋蔥。最滿意係所有印度烤餅都係即叫即製唔會放好耐，一定可以食到新鮮又熱即印度餅。