海老の髭 (已結業)

今日試咗呢間主打新潟料理的餐廳，廚師、侍應大多是日本人。日本侍應做事嚴謹而細心，唯一的問題是英語不大靈光，同我隔離枱的顧客溝通上出現問題，最後還是要香港人出手解決。我點了這個汁煮喜知次套餐，侍應說這是今天的廚師推介。先來的前菜賣相精緻，而且份量之多超乎預期。喜知次魚油豐富，味道甘腴可喜，確係唔錯，不過熟魚多骨，下次還是吃刺身較好。這裡所供的白飯全用新潟米，且用明火煲成。我孤漏寡聞，不知新潟米與他處所產的大米有何分別，但見侍應端上來的一鍋白飯色澤光潤，顆粒分明，口感也頗軟糯，只可惜飯味不足，呢點真係要扣分。臨走時，有一對男女想黎食飯，但因為已過午飯時間，人地要落場，所以唔入得去了，雖然係咁，個侍應都照送佢地去坐電梯，仲猛咁向佢地鞠躬，日本人的禮貌真係無得頂！總括而言，呢度無論環境、食物、服務都唔錯，可以再來幫襯。