糧友パン工房 (已結業)

經過附近，遠遠就飄嚟一陣陣新鮮出爐嘅麵包香氣！肚仔當堂打響鑼鼓，於是就買咗個賣相超卡哇伊嘅「餃子芝士軟包」！外表一定冇得輸，如果你同樣鍾情法式軟包嗰種uncook 口嘅感覺，呢款包一定啱你（另外仲有紫薯/黃薯款），一咬落去，軟棉棉嘅白色芝士好似流心咁緩緩擠出，基本上成個包中間脹鼓鼓嘅內涵都係芝士，食落口啖啖芝士，配搭個滿滿麵粉香嘅軟包，整體口感軟線綿，正！