影片
更多
2017-12-15
359 瀏覽
呢一餐飯我係好樂意請嘅，原因係我轉到工，轉工呢啲野就好似食物咁，要睇時間。 睇時間食，睇時間轉，而家就係一個好嘅timing。 所以請兩位幫咗我好多嘅朋友食飯，佢地就揀咗呢間omakase 勒。其實我就鍾意坐bar枱，睇住啲師傅點整野食，其實都真係幾過癮嗱~ 俾大家睇下個餐牌先，其實轉工飯嚟講，我覺得呢個budget係ok嘅，所以我都由佢地叫，但我自己呢，就食咗《瀧》就算，因為《極》係A5和牛，我真係食唔到咁多野。等咗無幾耐就有頭盤勒，係一個好靚嘅松葉蟹殼裝住嘅松葉蟹肉、蟹肉麵豉同海膽，店員好貼心咁問我食唔食生嘅鵪鶉蛋，我驚咗一驚就話走咗佢，但其實我朋友同我講鵪鶉蛋先係精髓啊! 撈埋哂一齊食之後，味道一啲都唔腥，好豐郁嘅蟹肉味度，蟹肉麵豉亦有調味作用，一啲調味料都唔使落。跟住又係嘅開胃小吃，合桃豆腐 、啫喱酒糟、日本銀杏同日本水母。先講講個合桃豆腐 ，佢係無豆嘅成份 ， 混合咗啲葛粉，但入口嘅合桃好苦 ，加入wasabi一齊食之後真係別有風味啊；啫喱酒糟就比較酸甜煙韌，有好濃嘅酒味；日本銀杏呢，唔知係咪有一兩粒無挑個心，有啲苦，但落咗少少鹽咸咸地。呢個日本水母，應該係落咗柚子醋，酸酸
睇時間食，睇時間轉，而家就係一個好嘅timing。
所以請兩位幫咗我好多嘅朋友食飯，佢地就揀咗呢間omakase 勒。
其實我就鍾意坐bar枱，睇住啲師傅點整野食，其實都真係幾過癮
嗱~ 俾大家睇下個餐牌先，其實轉工飯嚟講，我覺得呢個budget係ok嘅，所以我都由佢地叫，但我自己呢，就食咗《瀧》就算，因為《極》係A5和牛，我真係食唔到咁多野。
等咗無幾耐就有頭盤勒，係一個好靚嘅松葉蟹殼裝住嘅松葉蟹肉、蟹肉麵豉同海膽，店員好貼心咁問我食唔食生嘅鵪鶉蛋，我驚咗一驚就話走咗佢，但其實我朋友同我講鵪鶉蛋先係精髓啊!
撈埋哂一齊食之後，味道一啲都唔腥，好豐郁嘅蟹肉味度，蟹肉麵豉亦有調味作用，一啲調味料都唔使落。
跟住又係嘅開胃小吃，合桃豆腐 、啫喱酒糟、日本銀杏同日本水母。先講講個合桃豆腐 ，佢係無豆嘅成份 ， 混合咗啲葛粉，但入口嘅合桃好苦 ，加入wasabi一齊食之後真係別有風味啊；啫喱酒糟就比較酸甜煙韌，有好濃嘅酒味；日本銀杏呢，唔知係咪有一兩粒無挑個心，有啲苦，但落咗少少鹽咸咸地。
呢個日本水母，應該係落咗柚子醋，酸酸地又好煙韌嘅啫喱狀物體，真係好少食到咁有咬口嘅水母。
食壽司前仲俾咗個松茸清湯我地飲，除咗有三葉，仲有柚子皮，入口個湯有淡淡嘅柚子味外，其實啲柚子皮食落都幾似陳皮~
終於嚟到食主菜啦，師傅建議由淡味嘅深海池魚食到去拖羅，首先係右邊嘅深海池魚，佢肉質結實，又爽口；油甘魚嘅肉質就淋啲，有少少腥味，但係魚如其名，油份充足。
食完刺身就即刻落嚟食天婦羅啦~ 我覺得最值得介紹嘅位係，呢度係無天婦羅汁架，調味料就係呢4種。最左邊嘅海藻鹽，來自沖繩，師傅話 $300/g，都真係幾貴，由於係海草上割落嚟，所以粉紅色嘅樣。然後就係咖哩鹽同埋檸檬汁。 最特別嘅係要講白蘿蔔蓉，佢地係用咗靜岡嘅白蘿蔔同九州嘅白蘿蔔嚟整，因為靜岡嘅白蘿蔔就甜啲，而九州嘅白蘿蔔就辣啲同蘿蔔味重啲 ，仲落咗少少鹽同檸檬汁 ，食天婦羅多數都熱氣，而呢個蘿蔔蓉就有清熱嘅功效。其實當你食過，你就停唔到口，match埋入去啲天婦羅度真係好好食。
第一道嘅天婦羅上啦~ 就係車海老勒~ 師傅話蝦頭點咖哩鹽，再放上白蘿蔔蓉，因為蝦頭嘅膏會有啲腥，僻咗陣味都係好，而蝦身點海藻鹽就可以勒。入口隻蝦都仲係又滑又嫩，蝦頭真係好香脆，令人想叫返啲酒嚟送酒啊~
另一道天婦羅係海鰻，即係穴子，賣相真係一流啊~ 但我覺得搞笑嘅係，點解會有個咁濃嘅草綠色醬係穴子下面呢?
原來呢個係日本万能蔥嘅蔥汁，呢個蒽係拎獎架，入口淡淡蔥香，又唔會搞到個口有勁大陣草腥味，就連蒽都咁講究，真係攞命啊。
另一個天婦羅係呢個日本天然大蜆，so far 我食咁耐嘅日本野，都未試過蜆嘅天婦羅。加上非養殖嘅日本天然大蜆係好少見，而且成個拎去炸更加少。
佢將個蜆肉切碎咗，再加上三葉粒同冬菇粒，增加口感，整個都唔使點野，蜆肉彈牙又鮮甜。
終於到咗我最期待嘅一道菜啦，因為偷聽到隔離枱嘅師奶話，因為見到呢舊炸蕃薯先嚟食，我心入面都嚇咗一嚇，what?! 為咗一舊蕃薯嚟食成千蚊野? 先講個賣相，係用日本嘅砂糖同白蘭地，無錯! 係白蘭地! 大家係完全估唔到食舊蕃薯係用白蘭地送。
單係舊蕃薯都有來頭，係鹿兒島種子島嘅安納芋，連甜度都度得到，係40度 ! 砂糖都係得9度架jar ~ 先蘸咗啲白蘭地，再點日本砂糖，完全抵銷咗白蘭地嘅澀味，只係得返啲香味，仲可以連埋皮食，啲蕃薯肉係一啲渣都無啊!!!! 師傅話我想encore都無，因為一舊係要炸成45分鐘，真係每一舊都好花功夫。
到真係主菜啦~ 就係呢個炭烤法國血鴨脾同焗鴨肉批，我問其實有乜咁特別啊? 師傅話係連個汁係用血鴨嘅骨所熬製而成。我問師傅有乜特別，佢話「特別用心」去做。=_=" 哈 講一講，其實法國血鴨係法國菜嘅高級野，
一嚟佢就要我快啲食個血鴨脾，因為放得越耐就會越熟同越老，所以我就光速咁食。又話係血鴨，但完全食唔到血腥味， 反而食到佢嘅濃郁醬汁，同埋佢鴨味豐富又肉質嫩滑嘅鴨肉。
啲鴨肉你唔好以為會浪費，佢地拎咗嚟做個批，首先個批又熱又香，入口啲鴨肉仲有啲肉汁係裡面，個批好似將啲鴨肉汁鎖死係裡面咁，仲係好juicy! 
最後又不得不提呢個師傅好鬼自豪嘅soba麵，因為佢地係京都專登搵人做架，再mix埋個冷麵汁，師傅話係完全同係日本食嘅一樣味道!
的確入口嘅冷麵有蕎麥嘅香味，而且又滑嫩口感，加上個汁同佢地自家製嘅蘿蔔蓉，真係好正!!! ( 但係我食完個main course其實都已經好飽，但竟然都仲有胃口食個麵) 
甜品係新瀉啤梨同埋宮崎特柑 ，新瀉啤梨爽口清甜，宮崎特柑，就有啲酸同juicy，仲食得出一粒粒嘅果肉。又係時令水果~
嗱~ 其實我而家寫嘅野，除咗個炸蕃薯，應該大部份都會轉，因為佢地一星期轉一次menu，做開mkt都覺得佢換得好密，師傅同我地講下次嚟再食下其他野啦，都啱嘅，世界咁大，其實真係唔使成日食啲一模一樣嘅野嘅。
題外話/補充資料：
廁所好鬼乾淨，仲貼心到有capsule裝嘅漱口水，想點呀?
(以上食評乃用戶個人意見 , 並不代表OpenRice之觀點。)
張貼
