Plato (已搬遷) 新店位置

已經好耐無靜靜地坐低食個early dinner，尤其配合呢間轉角小巷嘅cafe更顯優閒。是日餐湯為忌廉湯，粟米味好甜，特地升級其中一個餐湯做龍蝦湯，相對之下龍蝦湯好濃，雖然就無咩龍蝦肉，但口感都唔錯。今日唔係好想食heavy嘅嘢，專登叫咗兩個比較清新嘅set dinner。烤雞凱撒沙律好fresh，醬汁嘅份量剛剛好掛起每片沙律菜上，唔會多到浸腍晒。烤雞尚算嫩滑，整體感覺良好。香煎青衣魚柳都唔錯，魚柳唔會散修修，配菜都好味道，烤薯仔好香口，配蘑菇汁食更加好食。最後加配咗個tiramisu。呢度嘅tiramisu比較重咖啡味，酒味唔算多，質感較為厚身；cream並唔算油膩，甜度剛剛好，配埋餐茶為呢一餐劃上一個完美的句號。