肥仔茶餐廳

營業中

休息中

夜晚影相影到好夜，效返器材到鋪頭都已經成點鐘，橫掂第二日都要出灣仔，算啦，喺鋪頭過夜算。一訓就訓到12點幾，肚餓，約人出黎醫肚，行過呢間，見到有車仔麵，好耐都未食過，就黎試下。入到黎坐底一睇餐牌就有啲後悔😅😅😅單點最底消費$41，唔包飲品。咁對某啲細食既人黎講都幾唔著數。而且，人地喺出面見到個牌有車仔麵，望真啲先見要收$41以上，要諗食乜（有部份人會留意唔到價錢，只睇有冇岩心水既野食，之後發現唔夠，要再選多樣），浪費左時間，餐廳要等客人選食乜食到41以上，前後加埋時間應該可以走多一兩轉枱😑😑，如果可以改做選一麵加2餸咁會好啲。食物睇落可以，不過要腩汁冇加，要再去問先補返比我。蘿蔔太大件，唔夠淋，如果切薄一半煮會好啲。牛腩唔夠淋，可能新加落去，炆得唔耐。其他都ok既。整體黎講一半半，我就覺得普通以下，工作放lunch或趕住食就會食既。但係平時行街既話，我唔會黎囉。