友勢日本料理 (已結業)

今晚食姑姐生日飯, 本來都不抱太大期望, 係嬸嬸話食過唔錯就介紹我哋黎喇~我知之前係寫紙仔點食物, 但依家轉咗型式, 係自己出去攞食物; 價錢星期一至四食兩小時$148 加一, 8人送1,時間上足夠; 味道唔錯, 款式算多, 有海洋, 有三文魚, 有日式, 中式, 西式食物, 冷熱盤, 仲有甜品同雪糕, 甜品一定要試一杯杯型啫喱, 果凍之類, 幾好味架, 飲品都任飲, 有蘋果汁, 橙汁, 豆漿 , 竹蔗茅根, 生力啤酒, 罐裝汽水, 飲品哩講好味, 唔會話係古怪味;睇佢放食物地方好似唔係好多咁, 但其實真係食得好飽同味道唔差, 三文魚又新鮮, 又任攞, 雞腎, 雞軟骨同牛肉串燒都好入味; 佢哋出食物都幾快, 又會不時轉換款式; 地方又坐得舒服, 又唔太燥, 食飯傾計真係唔錯;未食過真係可以試下, 不過就記得book位, 前一日book都無問題;