影片
更多
2024-05-19
513 瀏覽
之前賞糖主攻西餐，近期佢轉營做冰室，除咗供應冰品之外，仲早午晚市都提供餐點，一於就嚟試下佢先！轉營後第一次幫襯（8月中旬），整體味道唔錯，營運上尚有甩漏，勝在服務態度良好，積極修補小錯漏👍🏻。轉營後第二次幫襯（11月上旬），上次食唔到嘅嘢，今次揀啱時間嚟，午餐同下午茶夾埋一次過食。全日早餐 $48，相當豐富，主菜（雞扒/豬扒二選一）、麵包（鮮油菠蘿包/豬仔包/牛油多士三選一）、配料（煎太陽蛋/煎熟蛋/煎火腿/煎午餐肉/煎腸仔任選兩款）以及辣薯格、茄汁豆、胡麻沙律🥗。味道正正常常，呢個價錢嚟講都真係經濟實惠；賣相亦非常靚仔，一上枱就已經係呢個擺盤，唔洗再自己執樣。唯一一段小插曲，就係我明明叫鮮油菠蘿包，點知佢就咁俾咗個菠蘿包我🤣，好彩提出後店員好快就加返嚿牛油俾我，仲幾厚添～～即製芥末豬扒包 $28，豬扒又厚又大塊，醃製得宜，唔會太鹹或者有鬆肉粉味，配上生菜略顯誠意，加啲番茄🍅令色彩更繽紛會更有食慾。賞糖自選飯餐 $50，主菜除左有一般嘅午餐肉、火腿、腸仔、煎蛋、豬扒、雞扒外，仲有生炸巨脾、瑞士汁雞翼揀；主食除左飯同意粉之外，仲有蕃茄螺絲粉同芫荽皮蛋湯米粉😮。份量同味道都正常，不過腸仔味
轉營後第一次幫襯（8月中旬），整體味道唔錯，營運上尚有甩漏，勝在服務態度良好，積極修補小錯漏👍🏻。
轉營後第二次幫襯（11月上旬），上次食唔到嘅嘢，今次揀啱時間嚟，午餐同下午茶夾埋一次過食。
全日早餐 $48，相當豐富，主菜（雞扒/豬扒二選一）、麵包（鮮油菠蘿包/豬仔包/牛油多士三選一）、配料（煎太陽蛋/煎熟蛋/煎火腿/煎午餐肉/煎腸仔任選兩款）以及辣薯格、茄汁豆、胡麻沙律🥗。味道正正常常，呢個價錢嚟講都真係經濟實惠；賣相亦非常靚仔，一上枱就已經係呢個擺盤，唔洗再自己執樣。唯一一段小插曲，就係我明明叫鮮油菠蘿包，點知佢就咁俾咗個菠蘿包我🤣，好彩提出後店員好快就加返嚿牛油俾我，仲幾厚添～～
即製芥末豬扒包 $28，豬扒又厚又大塊，醃製得宜，唔會太鹹或者有鬆肉粉味，配上生菜略顯誠意，加啲番茄🍅令色彩更繽紛會更有食慾。
賞糖自選飯餐 $50，主菜除左有一般嘅午餐肉、火腿、腸仔、煎蛋、豬扒、雞扒外，仲有生炸巨脾、瑞士汁雞翼揀；主食除左飯同意粉之外，仲有蕃茄螺絲粉同芫荽皮蛋湯米粉😮。份量同味道都正常，不過腸仔味道較鹹，少食為妙😛。另外醬汁份量過多，建議另上等食客自己決定落幾 多醬汁。
雙色冰 $50，冰品揀咗荔枝雪香同提子雪香，附送嘅三種配料分別揀咗三色蒟蒻、黑糖寒天同小丸子。荔枝同提子味道清新，唔會死甜好假，絕對可以翻兜👍🏻；份量夠多，兩三個人一齊食就啱啱好。
芒甸園 $45，平時鍾意食冰嘅姨甥竟然揀咗呢一款，令我大表驚訝，原來佢係食過返尋味。材料豐富，椰汁底配上豆腐花、芒果布甸、鮮芒果、芒果汁及小丸子，啱晒三心兩意嘅人。
張貼