大壹冰室 (已結業)

睇完戲都8:00，要食晚飯啦，要試試新的餐廳，見呢間裝潢設計幾靚咁，又好快有位，是但啦，因為太肚餓啦，入面燈光幾昏暗，有格調，但是空間有限，座位之間又好貼近，有壓迫感，唔理咁多，叫左野食先，要食好DD，叫左個板焼牛柳粒，七成熟，預左質素不會太高，始終係冰室嘛，等一下會，牛柳上枱，有汁要淋落鐵板，聽到D汁吱吱咋咋聲勁興奮切下去，感覺到肉質係淋淋的，咬一口，肉質果然係勁淋！佢將火喉控制得十分好，好像炆完後的牛肉咁淋，又有濃濃的牛味，黑椒味辣辣的，食到身體都發熱加上牛柳的size亦是不細的，夠新鮮！飯又多，有甜甜的汁在飯之上，實在太好味！冰室的食物質素都可以咁好，一定有下次！