福岡漢堡扒 (厚福街) (已結業)

餐廳大推手打漢堡，食客自己燒，每枱設有小型抽風系統，而且店內冷氣大，令空氣流通減少油煙。除左有漢堡set，亦有其他主食，以及套餐。 假日午市到，開門不久已有幾枱客人，愈坐愈多人入座。叫左芝士蛋和牛漢堡扒(中$117)，雞蛋和牛漢堡扒($小$99)。用手機掃qr code落單，之後侍應就送上set附送既湯、沙律、飯，及調味料。食物送到後，如果第一次食，侍應仲會細心教客人點燒。漢堡分大中小size，每個都圓碌碌。旁邊有塊熱石，用作燒肉。蛋邊焦脆，加左芝士就更香口。每人都有個小鐵鏟切肉，每邊燒大約3秒，d肉已經熟。d肉超級超級軟綿綿，超香肉味，d油膩逼哂出黎。第一次食尼種口感既肉，好好味。整體，侍應好有禮貌，服務好。見到石塊唔熱，就會主動換新一塊。手打牛肉真係超綿超好食，仲可以見到師傅係廚房手打搓圓漢堡添。