瑞士咖啡室 (已結業)

星期日去灣仔食下午茶，望到餐廳坐滿囇人，以為冇位要等，但原來入面好大好大，好多位。咁我地就叫左兩個下午茶餐。極鍾意食多士嘅我緊係叫返個多士先，同埋叫左個吞拿魚烚蛋多士，配兩杯凍奶茶。芝士火腿西多士（$37）好厚嘅西多士，我諗都有4cm厚，入面有火腿同埋芝士，呢個西多炸到金黃色，岩岩炸上黎，而且好有蛋味，芝士仲要溶溶地，連埋火腿趁熱食，真係好好食！上面舊牛油都大舊，配埋糖漿一流！下次可以試下。吞拿魚烚蛋多士（$27）唔想食咁heavy又想食啲野，吞拿魚烚蛋多士最好不過。麵包烘到脆卜卜，上面放上吞拿魚同烚蛋，烚蛋都係凍嘅，不過都係夾嘅。做早餐或者下午茶都ok！呢兩個做下午茶止下口真係岩岩好，份量唔太多，又唔太heavy，食完夜晚仲食得落，埋單都只係$70，好抵。