早安越南 (已結業)

喺天后返工嘅我今日放lunch去咗電器街食飯，電氣街一直都有好多越南泰國嘅菜式。同事好鍾情於越南菜。所以今日就去試吓早安越南呢間鋪頭。我哋今日食咗佢個set lunch，Set lunch包一杯野飲同一個煮食。我就試咗香茅豬扒米線，叫咗一杯凍檸水。個香茅豬扒嘅味道非常之好，笑得好香口，份量亦都好大。女仔一個人基本上都食唔晒，佢嘅香茅豬扒係分開另上嘅，唔會同米線撈埋一齊，所以可以保持佢嘅口感，唔會沉到霖晒，呢個真係值得一讚！呢間餐廳嘅環境唔錯， 午市嗰陣都唔係好多人，所以唔怕食完就即刻要走，仲可以輕輕鬆鬆咁傾吓計，所以都推介比喺天后返工嘅人去試吓！