Cosy Seasons (已結業)

天氣好好，搵地方食野，都想搵間坐得舒服，又可以望到街外景色嘅餐廳，今次去左九龍灣宏泰道地下Cosy Seasons，九龍灣已經由工業區轉左商業區，食肆都由茶餐廳轉左西餐廳，Cosy Seasons 就係商業大廈地舖。因為過左繁忙時間，入面人客唔多，早餐Menu 到1100，於是點左一份All Day Breakfast 同 Latte，店員很快送上Latte，味道ok，不過不失，沒有太大驚喜，隨著送上All Day Breakfast：有半件Toast，炒蛋、火腿、煙肉、腸仔、蕃茄同茄汁豆，樣樣有齊，不過略嫌油太多，口感太油膩，可以改善。一份早餐$49，再轉Latte，總共$59，價錢算唔貴，不過地去大，坐位亦舒服，落地大玻璃窗景觀開揚，外面樹影婆娑，悠閑嘆早餐都算係不錯選擇，期待Menu會更多樣化。