Chef's Secret (已結業)

之前試過係呢間餐廳食晚餐，雖然係價錢貴左少少，不過嘢食都頗清新，特別係麵包，所以趁著禮拜日，試試午餐如何！不過服務都係比較一般，問過咖啡可唔可以之後先上，講左可以，不過都係一早就到！咖啡同梳打水都無咩特別，個人覺得點果汁會好d，因為起碼係新鮮水果榨汁！呢個雖然賣相普通，但牛油果同沙律都新鮮，牛油果好滑味濃，而重點係個麵包，入面有芝士，真心好好味！呢個廚師秘製All day breakfast 味道還可以，但相比較牛油果三文魚三文治就比較失色，雖然食材都新鮮，麵包軟熟，但個秘制茄汁焗豆味道麻麻！而餐廳環境都算舒適，因為餐廳標榜有機，個別食物都幾特別，價錢相對較貴，但都可以接受！不過最重要個係麵包，真心唔錯！