CheckCheckCin 米水茶飲 (已結業)

約左朋友但未到，想搵個地方坐下飲杯野，又黎到Check Check Cin 飲杯米！主打健康米水，有別於平常手搖飲品，咖啡奶茶，米水飲落輕盈，對身體零負擔！👍🏻好喜歡配合中醫養生角度同飲品結合。店內有好多唔同款式米水選擇，客人仲可以按照自己身體狀況，選擇合適嘅飲品，例如：去濕，強身，滋潤，清熱，減壓等等。🔸竹蔗粟米鬚米水清清嘅米香，配搭淡淡竹蔗香。飲落好舒服😌無特別添加任何糖分，只有原材料嘅原味道，正！值得一提，店員會詢問客人飲品溫度喜好，可以選擇熱，和暖，常溫，凍就唔太推介啦！始終養生系列😉是日買任何米水，送一包紅豆米水！番屋企就立即試啦～紅豆味香濃，又飲到米香👍🏻總括🔹一杯米水大概$35，店內選擇豐富，有時經常飲其他飲品，如果想健怡一點，不妨一試！