輕鬆飲 (已結業)

23-4-2009由旺角 en route 何文田行路返屋企, 先到登打士街買0野飲充充電. 呢檔平日長龍到離譜, 今日竟然完全唔使排隊, 又買杯波霸奶茶 ($10 大杯裝),「少甜」, 等了半分鐘都無就有得拎. 「少甜」後的奶茶甜度剛好 (咁正常的咪甜死人?), 奶香頗濃, 茶味就較淡, 果然係台式; 而粒粒珍珠硬度 ok, 口感 QQ, 唔錯.以「大大杯」作招徠, 呢杯0野又真係好大杯, 一路行一路飲都幾難拎. 由登打士街一直飲到中電, $10 一杯幾抵飲的, 不過如果要排長龍的話, 就咪搞我了.