Délifrance (已結業)

食得多豐盛既晚餐 間中都想來個輕食晚餐 剛好同飯腳去尖沙咀品酒 半飽半膩狀態之下 於是走到尖東附近睇睇有咩輕食之選 見到Délifrance 回憶即刻返晒黎 好耐都無食過了 而且Délifrance已經買少見少...Délifrance主打輕食 當然亦有不少飽肚之選 例如意粉之類 不過半飽半膩 來一客牛油果素麥包+素菜湯最適合不過 既可滿足口腹亦不會加重負擔 麥包質感頗硬 一如麥包質地不過亦不難入口 入口有點粗糙 不過幸而味道不錯配上新鮮生菜青瓜蕃茄生洋蔥以及牛油果  再沾上黑醋汁 味道酸酸地又帶有輕淡甜味 配合得宜 口感清新唔覺膩 加上全素 倍感健康 不過就是略嫌牛油果太少 食落完全唔覺有牛油果存在 有點可惜 蔬菜湯味道酸酸 菜料都不算少 飲落頗開胃 餐湯配有一小塊麥包 用來沾湯伴食蠻不錯 餐廳周遭氣氛寧靜 店員亦不會趕客悠閒地坐上半日 實屬偷得浮身半日閒