鳳鳴石磨腸粉 (香港工業中心A座) (已結業)

正係開星期一至六，下午四點半就關門，要食就早啲去。大家可以打定電話叫定，咁就唔洗齋等，因為有時都幾多人排隊。俾大家作參考，星期六下午4點打電話叫已經正返紅米腸粉。🔹紅米石磨雞蛋豬肉腸 $24★★★☆☆呢個係其中一個招牌之一，可叫套餐或散叫。腸粉全部都係即叫即整，望落份量都唔少，但如果當午餐就一定唔夠食架啦，做下午茶就啱哂。雖然係紅米腸粉，但食落食唔出有咩分別，腸粉都滑身，但略微有D太厚唔夠薄。醬汁方面係麻辣醬，上面仲會有芫茜、蒜粒、蔥，食落係幾惹味，有啲似食緊口水雞川菜FEEL。餡料方面都可以食到有雞蛋，豬肉粒有但偏細粒，個麻辣醬都蓋哂個味道。呢個腸粉啱D重口味人士，因為每啖都要加埋D醬汁食先好味，所以食完幾口渴，同埋食到一半已經有少少厭左嘅感覺，兩個人SHARE當下午小食OK。🌟總括：未試過可以一食，但食落未去到好驚喜，都滑嘅，但冇想像中咁滑。麻辣醬汁幾重口味，似食緊川菜涼拌青瓜咁，食到尾腸粉吸哂Ｄ汁會有啲太咸。