盛八食堂 (已結業)

朋友見到餐廳名盛八，應該會有番相應既質素。去到先知焗爐壞左，所有焗既菜式都冇得試，真可惜。菜單上推薦雞扒蛋包飯就叫左，再加半價餐飲。外貌不錯，頗吸引。雞扒不過不失，正常味道，又唔老。雞扒上有蘿蔔蓉，但可能分量少，食唔到有咩味。有分兩邊汁，白汁普通，菇菌都不錯，燒汁較合我口味。蛋冇流心，好似一塊炒煎蛋包住而已。而且飯有部分較硬，較為失望。餐飲叫左凍檸檬茶，我估應該加左少許青檸汁？入口都幾爽幾特別，但應該未必人人鐘意。另外叫多左杯凍奶茶，反而喜出望外，茶同奶味剛剛好。餐廳環境都ok,坐得都舒服，兩人都俾四人桌。桌上面既蛋型調味樽幾得意。