旺記海鮮飯店

營業中

休息中

行完大運後，大家極為肚餓，未到6點已來個早食晚餐。是日天氣轉冷，當然要個羊腩煲來暖暖胃，腩汁道味一流，各人也用來撈飯。羊腩啖啖肉，沒有脂肪，如果喜歡半肥瘦的人就未必滿足，只可惜肉質唔夠諗。砵酒局蠔-生蠔肥美又大隻，而且份量不少，一客8隻剛好每人一隻，最惹味是墊底的半生熟洋蔥。生炒骨-這是生炒骨及咕嚕肉的混合體，為兩者皆有。在大排檔食這道菜，基本上絕少失手，這裡做法亦不錯，件件脆口；而甜酸汁的味道似京都骨的醬汁，亦較杰身。避風塘炒蟹-這味菜本來不是大排檔的菜式，但有朋友鐘意，當然水準一定不合辣蟹專門店的，雖然辣味十足，但用花蟹來做，感覺上格格不入的。黃金南瓜魷魚-十分惹味的一碟，每件好平均的沾滿蛋黃。南瓜的口感比魷魚好，南瓜的香甜與蛋黃的鹹香好匹配。金銀蛋豆苗-皮蛋及鹹蛋只是好零碎的，反而肉碎就舖滿碟面，而豆苗需嫩口，可能來貨較貴，份量不算多。原本再點了雞及大鱔煲，可惜漏了單，之後唯有大舉去B仔食個滿足。