香湘辣妹 (已結業)

早幾日收工約左班friend食飯, 成班死仔包知我唔食得辣都要揀間湘菜黎食, 真是想辣死我。鋪頭裝修都唔錯嘅, 仲有個大screen可以睇電視。好搞笑, 因為老闆娘是周杰倫嘅超級fans, 周圍甚至是菜式名都可以見到周董嘅歌名。一黎就叫左個湘辣公主雞煲($298)。 媽啊, 真是好L辣啊, 不過啲雞件都幾滑嘅。呢個東風破剁椒魚頭($168)都有啲辣, 不過條魚好鮮, 幾好。呢個威廉古堡香辣花甲蝦($128)唔是太辣, 但有啲鹹, 重口味左少少哈哈。不過都OK嘅。紅豆豬仔包($48), 呢個是我全晚食得最開心嘅菜式, 因為唔辣 入面是紅豆餡, 甜甜地幾好食。