極品煮意 鷄煲.烤魚.火煱 (已結業)

同事大力推薦，因為之前食過，味道不錯，而且大家都好鍾意食烤魚，所以就約埋一齊去試一試。我地book 6點半，去到嘅時候都仲好早，成間餐廳得2-3枱食客，坐得都幾鬆動。一睇之下發現原來唔止可以食烤魚，仲有雞煲可以食，於是我地就點左一條老乾媽烤魚、一個麻辣雞煲。雞煲份量偏少，我地叫左中辣，食入口偏甜，淨係有少少辣味，烤魚都一樣，對於期望食麻辣嘅我地真係有少少失望。值得一提原來雞煲係可以無限食，食完可以叫侍應添食。埋單嘅時候，侍應好好送左優惠券比我地下次再食。