十二味 (如心廣場二期)

營業中

休息中

今日同女朋友去荃灣行街，見到如心廣場越來越多嘢食，撞正中午時間，咁就即管去試下，見到間裝修得好古典，個名都幾特別，叫做十二味，正常嘅午飯價錢，咁就入去試吓，當時大約3:30左右，全店坐大約四五台客左右，首先俾啲餐單大家睇吓先咁我就叫咗個川式口水雞，我女朋友就叫咗個水煮牛肉，免費送杯酸梅湯，好快就到啦，順帶一提佢係用QR code落單，感到環保，除咗酸梅湯之外仲有碟前菜，酸酸地幾開胃，但係杯酸梅湯真係只有一半，之前都有睇過食評都係咁寫，免費嘅嘢我就唔諗咁多啦，賣相就唔錯啦，咁食落都唔錯嘅，首先講口水雞先，雞就係凍嘅，雞味都唔算好有，咁我覺得4，50蚊既貨仔差唔多啦！但係啲辣椒油好正，都好配合雞味，至於水煮牛肉整體來講就好味過雞，牛肉份量都幾多，辣椒油比口水雞更麻，整體來講用嚟撈飯一流，睇返啲食評講，酸菜魚好正，下次一定要試吓，兩個人食咗$100左右價錢都好合理，所以都值得推介鍾意食辣嘅人。