十三少 (已結業)

有人話食辣係一種態度, 呢種令人痛並快樂着嘅食物令我地又愛又恨! 🔥🌝🌝🌝 外國更有研究指出愛吃辣嘅人活得更長久更健康🌶 麻辣酸菜魚係我最愛嘅辣菜式之一! 酸菜魚係川菜中一道特色美食菜: 憑借魚肉鮮美, 酸菜酸辣爽口, 配上香濃嘅魚湯….絕佳嘅嫩滑爽口感, 惹味十足, 男女老少皆宜 ✨ 酸菜魚一上枱就聞到花椒同蒜香味，湯底係自家熬製嘅而且加入炒香嘅牛肝菌、白蘿蔔同蒿荀等。魚片口感嫰滑，如果有埋薯粉就更完美了！午市套餐仲包左兩款小食 - 蒜香土豆絲同埋麻辣滷水豬手。豬手滷得好腍好入味而且帶點微辣麻香，份量十分慷慨多到似主菜多過小食😂！蒜蓉拍青瓜亦係開胃小菜必點！紅糖糍粑 - 一款非常有特色嘅中式甜品，炸成金黃色嘅糍粒再沾上黃豆粉，外脆內軟，再點一點紅糖食，熱辣辣又煙煙韌韌👍🏻甜到心入心❤️！