紅館 (海堤街)

營業中

休息中

朋友想食辣，我唯有捨命陪君子，襯住早收工，過咗海去鰂魚涌紅館食四川菜，朋友都好就我，啲餸收少辣，其實食吓辣都幾過癮呀，通一通個鼻塞，哈哈！我點咗豉椒炒蜆，如果配藍妹啤酒會有特價優惠，可惜我哋唔好飲酒！蜆炒得好有鑊氣，又唔會有沙，好滋味！第二味係四川椒麻雞半隻，見到係Openrice 有人推薦就試吓，好香椒麻的味道，雞件軟滑，不過油份可以少啲仲好！再叫麻辣牛肉蘿白湯麵，牛肉夠嫩份量又多，蘿白清甜，叫咗少辣麻辣唔會太勁，但又有麻香味，我唔太食得辣都啱食，唔錯！最後叫咗熗炒時菜，蔬菜吸晒啲辣味真係食得辣先好叫，朋友食到辣話幾好味，配埋冰凍可樂真係正呀，下次試下第二款菜先。