渝味曉宇重慶老火鍋 (聚賢逸居) (已結業)

天氣涼左，成日心癢癢想去打邊爐，今晚就坐言起行，約朋友整番餐火鍋食下🤗。渝味曉宇重慶老火鍋有好幾間分店，今晚黎到堅尼地城分店，餐廳比我感覺好乾淨整齊；我地兩個人選擇坐卡位，坐位都好濶落，枱面預先已放好兩條即棄圍裙供客人使用，非常貼心🤗。店員先送上紅棗雪耳糖水比客人先潤一潤，呢排天氣乾燥嘅，真係岩晒😋。🥘鴛鴦鍋底 - 麻辣同芫荽皮蛋湯底，一辣一唔辣；唔好睇個湯底紅當當比佢嚇親，以為係勁辣咩🤣，其實我地order左小辣咋⋯⋯個湯底麻香十足，岩晒我呢啲鍾意小小辣又喜歡重口味嘅人士😆；芫荽皮蛋嗰邊湯底清清地，最鍾意係果粒糖心皮蛋，蛋白嫩滑啫喱口感，糖心蛋黃甘香粘牙🤗。🥢美國安格斯優質肥牛 - 油花分布均勻，入口甘香牛味濃，記得只須係滾湯中拖兩拖，保持肉質鮮嫩，口感會更加細緻。🥢八頭鮮鮑魚、桂花蚌 - 同樣提議淥嘅時間係30秒，入口彈牙，鮮味十足，尤其係桂花蚌特別鮮甜爽脆。🥢手打蝦滑- 全蝦膠嘅蝦滑，非常鮮甜彈牙。🥢稻田毛肚 - 毛肚全無漂過，全無化學成份，放心食用，只須拖10秒，爽口到冇朋友🤗。🥢曉宇苕粉 - 唔好睇佢成條硬繃繃咁🤣淥完之後晶瑩剔透，入口煙煙韌韌，女士們一定鍾意😋🥢黃金菇 -