影片
更多
2019-11-02
573 瀏覽
出差後返香港，約咗朋友灣仔食飯，見個靚面兼派下手信。由於灣仔係佢地頭，所以請朋友發板，我就得一個要求「港式」，事關個幾星期無食常餐，好掛住😭.朋友揀咗呢間，因為近佢公司同水準幾好。我㩒開條link嗰下，心諗咁大整蠱，好多負評喎⋯不過佢話同同事食過，唔差，咁梗係信住先啦😂.叫咗雪菜肉絲湯米配炒蛋多士，凍奶茶；朋友就食咖哩豬排飯。本身同朋友2個坐哂一張卡位枱，但之後嚟咗6個人等位，所以侍應姐姐請我哋調去另一張卡位枱。正值午餐高峰期，搭枱坐是常識吧～.老老實實，常餐唔會有咩期待，餐送到嚟都無咩驚喜，好正常嗰種😂不過食落真心覺得有驚喜，呢度嘅雪菜肉絲米加咗蝦米落去，個蝦米味勁香濃（係好食蝦米，唔係得個樣，無味嗰啲，誠意貨嚟），雪菜唔會太咸，米粉好大一碗，食極都有雪菜肉絲，食到尾都有餸（絕對唔係連鎖快餐嗰啲得2啖）。唯一要挑剔，大概係多士烘得唔夠耐，唔夠脆，但又未到未烘過嘅階段，在可接受範圍內。.凍奶茶，茶味夠濃，夠冰凍。食哂成個餐，仲有冰㗎！（而我同朋友食嘢都係烏龜速）夠凍嘅凍飲，今時今日唔易搵㗎⋯你明啦，錢就畀足，但唔夠凍嗰下真係⋯⋯🤦🏼♀️.食食下，侍應姐姐走過嚟同我哋講唔該，我同朋友2個
.
朋友揀咗呢間，因為近佢公司同水準幾好。我㩒開條link嗰下，心諗咁大整蠱，好多負評喎⋯不過佢話同同事食過，唔差，咁梗係信住先啦😂
.
叫咗雪菜肉絲湯米配炒蛋多士，凍奶茶；朋友就食咖哩豬排飯。本身同朋友2個坐哂一張卡位枱，但之後嚟咗6個人等位，所以侍應姐姐請我哋調去另一張卡位枱。正值午餐高峰期，搭枱坐是常識吧～
.
老老實實，常餐唔會有咩期待，餐送到嚟都無咩驚喜，好正常嗰種😂不過食落真心覺得有驚喜，呢度嘅雪菜肉絲米加咗蝦米落去，個蝦米味勁香濃（係好食蝦米，唔係得個樣，無味嗰啲，誠意貨嚟），雪菜唔會太咸，米粉好大一碗，食極都有雪菜肉絲，食到尾都有餸（絕對唔係連鎖快餐嗰啲得2啖）。唯一要挑剔，大概係多士烘得唔夠耐，唔夠脆，但又未到未烘過嘅階段，在可接受範圍內。
.
凍奶茶，茶味夠濃，夠冰凍。食哂成個餐，仲有冰㗎！（而我同朋友食嘢都係烏龜速）夠凍嘅凍飲，今時今日唔易搵㗎⋯你明啦，錢就畀足，但唔夠凍嗰下真係⋯⋯🤦🏼♀️
.
食食下，侍應姐姐走過嚟同我哋講唔該，我同朋友2個黑人問號🤷🏼♀️。姐姐：頭先多謝你哋調枱啊，所以先可以安排到下一枱客人可以一齊坐咋！呆咗呆，先識應佢唔洗客氣。普通茶餐廳要調枱，應該係閒事吧⋯⋯無諗過佢哋居然記得，仲要特登行過嚟講多謝。服務態度超水準啦！
.
食完後，我嘅結論係：邊得嚟咁多負評？！食物味道中上，侍應態度好，環境坐得舒服唔太逼，$50一個餐連飲品，仲有咩好嫌棄？🤷🏼♀️
.
有下次～
有機會想試下晚餐小菜🤤
張貼
