影片
更多
2009-11-12
22 瀏覽
11月秋風起, 又到打邊爐o既好時候雖然依家基本上一年四季都可以不過秋冬打邊爐特別開心一行5人order:湯底連海鮮set $68, 我覺得好抵, 因為分開order lee d海鮮最少都$28一碟, 依家有3款連湯底, 湯底咸咸地幾惹味!!! 雜錦菇拼盤 $48, 4款菇, 份量都ok, 所以愛菇之人必order, 又係比起分開order抵好多!!!墨丸拼蝦丸, 芝士丸$38, 前者好細粒, 雖然用料可以, 但太細粒咬落去變左一d口感都冇, 亦唔夠彈牙, 所以寧願oder 其他$28o既丸類~~~ 後者芝士丸, 愛芝士之人必order, 因為一咬落去芝士慢慢流出, 正~~~ $28: 炸枝竹、滑牛、肥牛、生蝦、魚皮餃、山根、烏冬、象拔蚌、白菜仔、西洋菜--->其他所有類別全部$28............基本上有d係好唔抵架, 不過真係叫做拉上補下~~~ overall品質唔錯, 都幾新鮮, 份量亦尚算可以!!! 當中必order係炸枝竹 (佢個名唔係咁叫)好得意好好味................ $5@汽水, $10/3罐啤酒--->飲品反而算抵, 不過原先想
又到打邊爐o既好時候
雖然依家基本上一年四季都可以
不過秋冬打邊爐特別開心
一行5人order:
湯底連海鮮set $68, 我覺得好抵, 因為分開order lee d海鮮最少都$28一碟, 依家有3款連湯底, 湯底咸咸地幾惹味!!!
雜錦菇拼盤 $48, 4款菇, 份量都ok, 所以愛菇之人必order, 又係比起分開order抵好多!!!
墨丸拼蝦丸, 芝士丸$38, 前者好細粒, 雖然用料可以, 但太細粒咬落去變左一d口感都冇, 亦唔夠彈牙, 所以寧願oder 其他$28o既丸類~~~ 後者芝士丸, 愛芝士之人必order, 因為一咬落去芝士慢慢流出, 正~~~
$28: 炸枝竹、滑牛、肥牛、生蝦、魚皮餃、山根、烏冬、象拔蚌、白菜仔、西洋菜--->其他所有類別全部$28............基本上有d係好唔抵架, 不過真係叫做拉上補下~~~ overall品質唔錯, 都幾新鮮, 份量亦尚算可以!!! 當中必order係炸枝竹 (佢個名唔係咁叫)
好得意好好味................
$5@汽水, $10/3罐啤酒--->飲品反而算抵, 不過原先想飲西瓜汁但冇哂
另外, 由於太多人打邊爐o既關係, 我地5食客要坐4人枱, 我地已經覺得好迫, 因為張枱真係好細, 之後d食物陸陸續續咁o黎到o既時候, 我地張枱基本上係迫爆, 但d店員仲要"硬著陸", 將手上o既order強行放o向已經冇額外空間o既枱上面, oh~~~
o向佢地進行緊lee個咁可怕o既行徑同時, 我地已經不停咁話要加多張茶"基"仔等我地張枱可以騰空多少少空間食野, 唔洗咁慘咁左避右避, 但佢地唔知係唔係借出聾耳陳隻耳, 繼續漠視我地o既要求, 求奇張d食物放o向側邊d碗碟收集區然後再左"側"右"側"咁塞哂落張枱~~~
究竟lee d叫做咩服務態度, 多食客你地咪加多d人手law, 我地唔想咁樣屈就law...真係有少少食到一肚氣!!! 如果下次大家去lee度打邊爐的話, 要留意呀, 好迫, 食得好辛苦架...........同埋lee度冇得混醬, 有d可惜, 好美中不足~~~同埋記緊訂枱, 因為好多人啊~~~ 我地訂左枱早到都要等~~~
張貼
