渝人碼頭 (已結業)

我好鍾意食辣，不過香港啲啷台灣麻辣火鍋都唔辣嘅，次次食完都失望。男朋友話公司附近開咗間麻辣火鍋，好似幾似樣，有晚接佢收工就去try try。我哋叫咗個只鴛鴦鍋，一邊係麻辣牛油鍋，一邊係老鴨（見隔離枱叫酸菜魚好似都幾正，不過男朋友麻麻酸菜所以無嗌）。一上枱見到啲辣椒就覺得猛料，起初以為唔辣，點知越食越正。因為我唔食牛，所以叫咗一碟牛畀佢自deal，再嗌咗碟伊比利亞豬，仲有白鱔，鴨血，好好玩嘅菇，仲有鮮雞件（怕唔夠肉會唔飽）男朋友話牛肉肉味濃，自deal一碟完全無問題。伊比利亞豬勁正，薄薄哋入口幾爽，幾有肉香。最surprise係白鱔，唔係冰鮮貨，唔會「梅」，幾鮮！然後麻辣火鍋一定一定要落嘅鴨血都okay，煙煙韌韌。呢個茹原木上有得剪嚟食，係幾好玩，味就一般菇囉。最後鮮雞件不過不失啦。食到最後仲「賜酒」，其實係蜜桃沙冰，食到熱辣辣急速降溫，幾正！