京日本料理 (已結業)

堅尼地這個正值新舊交溶之時，高級omakase都有得食！ 午餐選擇豐廉由人，但我地相信食omakase先見真將： 先來個水果沙律和茶碗蒸，個蒸蛋好正，滑得黎不會失去質感，面頭有層杰杰的汁，好鮮甜，而且無嚡颯颯的所謂海鮮料，有兩隻蝦ok的； 長崎生蠔：超肥，但creamy口感，唔係我杯茶，配廚師秘製酸甜醬，但有點古怪，都是齋檸檬汁最好； 時令太都魚：表面輕灼過，魚皮有點奀，比較有口，配秘製麵豉醬； 背沙灣瑩光魷魚：雖然好新鮮，但魷魚肚裡的內臟質地一pat咁，好核突，頂唔順； 胺康魚肝餅：魚肝用兩種魚子配食，山女魚魚子在面，濃味三文魚魚子墊底，加點醋啫喱，口感非常豐富，但我還是不太喜歡那麥餅，而且各樣味蓋過了魚肝的本身味道； 北海道原隻紫海膽:味道清清淡淡的； 壽司--伊豆地金目鯛：好有魚味佐口魚裙邊：油脂極高，配幾條草一齊食，幾好中吞魚腩：無筋熟蝦：為什麼不是甘海老刺？灼過超肥拖羅：因為灼過，不致一口油 燒帶子：配黑松露醬，presentation 加了幾分 馬糞海膽手卷：海膽還是配飯配紫菜吃最美味，正！ 麵豉湯加有野菜不會太鹹，清清地OK 蛋蛋糕加士多啤梨雪糕做甜品每位一千無加一，食