金華餐廳

營業中

休息中

是日在坪石附近做完野，林伯話就近搵間茶餐廳食飯，於是見到呢間就入去。中午飯是但就見到餐廳有南瓜蒸排骨，於是乎就叫咗呢個餐。見係特餐就隨便叫咗。出單時見到60蚊個餐，加杯凍飲成63，大佬啊，開係屋邨都收呢個價錢。送到來一睇就知道奶野了，排骨不是排骨，只是凍肉鋪頭那種喃骨，得幾舊，連d汁送飯都冇。食咗兩舊，冇味道，衰過屋企師奶出品。檸茶正常。餐廳環境還好，不過12點鐘見人流不是太多就知道係咩回事，我相信住係附近的居民肯定知道。於是乎埋單時特別同阿姐反映話個出品超級難食，阿姐都算笑口話佢不是事頭婆，於是乎都係有道氣，來咗個自稱經理的男人，態度超級唔好，問咩事，我直白說個餐好難食，純粹溫馨提示反映下，誰不知個臭串經理找收台不理會，問唔會啊，我今朝先食過，擺到明唔認。我也不再講，我使60幾蚊中個伏都幾有意思，起碼卑我知道。再特登來openrice睇其他人評論，就覺得原來都有其他朋友中伏，而且好雷同。只是寫咗出來，希望其他朋友唔好入去中伏。如果唔去改進和檢討，這種餐廳這樣的出品就知道肯定生存唔係好長，睇住來啦。