扒王之王 (已結業)

平安夜，老婆話想食西餐，於是就去左瀝源邨的全港最後一間的扒王之王，因之前食過都覺得幾好。一去到，見到客人比平時多，而現場亦好有聖誕氣氛，侍應都好好招呼。一坐下，就派左兩份聖誕節禮物，有聖誕帽，吹bb，真係好窩心。平安夜，冇左平日既餐，只有特定聖誕大餐，於是就點左兩份肉眼五成熟再加多份小食焗田螺。龍蝦湯味濃又唔咸，好好飲。頭盤雜菜沙律配火雞絲，味道較得好match。小食田螺好香，肉質唔硬，配埋薯蓉食真係一流。主菜上場，五成熟牛肉好有牛味，唔難切，煎得恰到好處，最後還有甜品芝士蛋糕。總結就係好食，好坐，過左一個warm既平安夜。希望全港最後呢間扒王之王可以繼續經營下去。