鼎王麻辣鍋 (The LOHAS) (已結業)

今日專誠嚟到康城食來自台灣嘅過江龍鼎王麻辣鍋。餐廳環境睇落去好高級，員工嘅服務態度都幾好好有禮貌介紹食物嘅時候都好細心同埋清楚。我哋叫咗一個鴛鴦鍋辣到有小辣中立大立我哋叫咗小辣如果我哋食嘅中途覺得唔夠辣都可以叫佢哋中途加辣嘅。 二麻辣鍋裏面會有配菜有鴨血同埋豆腐鴨血同豆腐係可以無限添加嘅呢一方便係最值得一讚，而且出邊有白飯任添所以一定唔會唔夠飽。雖然佢嘅價錢偏貴但係因為佢哋嘅質素新鮮所以個人覺得係幾值，我哋叫咗手打花枝丸同埋手打牛丸全部覺得感覺爽口彈牙新鮮。鴨血豆腐嘅質素都唔錯而且佢哋都好主動幫我哋添加。不過我自己都叫多咗一個薯粉去配汁食，正！而另外唔辣嘅鍋呢佢裏邊就有酸菜，酸菜都係可以無限添食！ 牛我哋叫咗牛小排另外加日本豚肉，色澤都好靚呀。 所以如果想食高質嘅台式打邊爐就要記得黎鼎王麻辣鍋啦！