I Leisure (已結業)

之前食嘅shake shake海鮮係藍色嘅網袋，今次呢間有D新意，係黄色嘅網袋，莫非因為呢間餐廳採用嘅係馬來西亞特製辣汁之故？先來個『免費麻辣小龍蝦』(幫襯咗主食送嘅)早排食咗再次上癮，未食時已聞到陣陣香味，流口水喇，排列整齊的小龍蝦挑起味蕾，有膠手套唔會整污糟隻手，食得開心又放心。食完小龍蝦，上場嘅係王牌嘅shake shake海鮮喇，我哋揀咗元貝，青口，大蝦，蜆及鮑魚五種海鮮，全部都係新鮮貨色，我揀嘅係小辣，已經好刺激惹味，完全帶出海鮮的鮮味。食肉獸朋友對於點嘅德國豬手亦讚不絕口，而且店家細心地切細塊咗，完全不需擔心食得論盡，抵讚。