川霸王 (已結業)

-🔸三餸霸王粉麵 $55-今日搵同樣喺觀塘返工嘅細妹食lunch，去到愛琴坊覓食，見依間四川麻辣都幾多人排隊，就試一試。我揀咗麻辣小辣，仲可以揀三款餸，我揀咗雲吞、金菇同鮮牛肉（+$2），麵底都可以自行選擇，我揀咗薯粉。一上枱見到好多辣椒都嚇親，不過食落都可以接受到，麻辣味道好香好惹味。推介要揀鮮牛肉，雖然要加$2但大大塊牛肉，抵加。細妹食酸辣BB辣，揀咗牛丸、午餐肉、油麥菜同薯粉，比麻辣多咗酸菜，味道開胃啲。