校長燒肉日韓料理 (沙咀道) (已結業)

今日黎到荃灣校長燒肉，雖然個名係燒肉，但係佢多野食到好似酒店buffet咁多。想像佢係室內bbq 加打邊爐加壽司刺身加酒店熱葷加甜品加點心😂😂😂應該係有過百款。一如門口見到d甜品顏色排得好靚！燒烤嘅肉好多款，d調味都好唔錯，檯頭有d調味料，我覺得唔加都好夠味。我咩都試左d，全部都質素唔錯😚😚唔會話邊個超級好味，但係勝在咩都有，食款式。佢個燒烤爐個底墊左個燒烤紙，好方便可以換而且唔會痴底。佢地最特別係個美顏養生花茶區，仲好好咁寫左唔同功效，最適合食放題想清新下。雪糕我試左海鹽雪糕，新鮮jit嘅蜜瓜雪糕，同綠茶雪米磁，都唔錯。太飽了，下次可能要餓d先黎食😂😂