The Stadium (已結業)

同朋友行開銅鑼灣，諗住搵個好d嘅地方食晏，佢話有個地方食過唔錯可以去試下，就跟左佢去。我地去左軒尼詩大廈二樓嘅The Stadium,咁啱過左繁忙時間，可以坐window seat。坐低我地點咗兩個lunch set,烤肉眼扒同香草烤鯛魚，lunch set跟埋湯或沙律,食住等，好快主菜就到咗。烤肉眼扒，配埋薯角同沙律，入口外層烤香嘅肉味，跟住就係牛肉嘅鮮味，肉質有口感但唔韌，簡單嘅菜式更顯功夫，唔錯！香草烤鯛魚，同樣配上沙律菜，烤過嘅鯛魚好香口，魚肉新鮮有口感同嫩滑。兩款午餐嘅質素都好好，比較起價錢絕對係抵食，下次可以再黎過！