神石燒牛扒專門店 (碧街) (已結業)

今日決定食餐豪，做完運動🏃🏻‍♀️出左身汗，增加下體重，再有動力去健身。近近到出左油麻地A1站一直向前行去就會見到神石燒，好方便好易搵。餐廳裝修以灰色為主，用上好容易清潔的物料做餐卓，容易打理。所以餐廳非常乾淨，簡約又舒服。餐廳做緊週年限定半額，一人火山石燒燒肉盛原價$108，特價只需$54。我今次食神石特級五花盛合，有齊常食的牛，豚，雞，三種不同肉，不同滋味，好正呀！🧄美國特級牛五花，牛五花味濃幼嫩又多汁，外面燒到少許焦，令牛肉更香，味道更有層次更好味🤤🧄西班牙豚五花肥瘦漸層，一層肥一層瘦，令人愛下滋口，入口甘香髪化，真係不得之了。😋🧄美國無激素走地雞，雞又滑又嫩，雞鮮味十足，好易咬開🍗仲有一碗紫菜飯和一碗日式泡菜湯，飯係珍珠米🌾，彈牙煙靱。泡菜湯酸酸地辣辣地夠開胃。