Little Mario's Pizzeria (駱駝漆大廈) (已結業)

朋友話呢間好食，所以今日嚟左呢度，佢原來唔係地鋪，喺喺駱駝漆工廠大廈嘅四樓，裡面面積唔大，只有十多二十個坐位左右，睇餐牌呢度主打薄餅同埋意粉，店員招呼面帶笑容，感覺親切，呢度有五種不同價錢嘅二人(情侶)餐，由$188至$228，包括1xpizza ，1x意粉或沙律或鷄冀，及兩罐汽水，我就叫左1個$218嘅二人餐，有1個Parma Ham薄餅丶一盒松露意粉同埋兩罐汽水飮。等左一陣，好快松露意粉就熱辣辣上枱，跟著個新鮮熱騰騰嘅薄餅都上埋枱，成個餅底喺佢地自己整，尤其是薄餅嘅邊好煙勒，口感好似食緊bagel咁，好啱我口味，喺近年來最好食嘅薄餅，平時我鐘意食薄到脆卜卜好似餅乾咁脆嘅薄餠，但呢度薄餠嘅煙勒真係好食。