影片
更多
2020-09-19
363 瀏覽
«913»近來食過覺得最好食嘅牛肉麵😋﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷二悅紅燒牛肉麵 $68▶手工肉燥乾伴麵定食 $62含牛湯、前菜、自選小食兩款▷龍眼冬瓜茶 $18招牌嘅二悅牛肉麵包含乾濕兩種食法，壺入面係熱辣辣嘅紅燒牛肉湯，可以單獨飲幾啖試下香濃嘅牛湯，之後就可以單獨食個麵，或者夾啲麵落細碗當沾麵咁食。首先個牛湯真係好好飲！😚而個麵本身已經撈咗少少汁帶啲甜味，其實就咁食當乾撈麵食都好正！撈埋湯汁就更加濃郁～牛展同牛肚滷得好入味，牛展腍得黎唔會鞋，牛肚好易咬開之餘仲保留到爽爽地嘅口感，勁出色🤗 第一次食真係好驚艷，大家嗌一麵兩食呢款實冇死🤪另外一款嘅手工肉燥味道都唔錯！肉燥肥瘦均勻，肉燥汁香而不膩，係好快就可以成碗清晒個種～而且小食都可以揀返牛展牛肚，不過我哋已經有所以就嗌台式香腸、香炸雞翼呢啲普通款黎試下，都是不錯的，都係推薦試咗牛展牛肚先，好食/相對抵食太多😂呢間10分推薦！💛﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣二悅元朗合益路9-15號紀業樓地下G號舖
近來食過覺得最好食嘅牛肉麵😋
﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣
▷二悅紅燒牛肉麵 $68
▶手工肉燥乾伴麵定食 $62
含牛湯、前菜、自選小食兩款
▷龍眼冬瓜茶 $18
招牌嘅二悅牛肉麵包含乾濕兩種食法，壺入面係熱辣辣嘅紅燒牛肉湯，可以單獨飲幾啖試下香濃嘅牛湯，之後就可以單獨食個麵，或者夾啲麵落細碗當沾麵咁食。首先個牛湯真係好好飲！😚
而個麵本身已經撈咗少少汁帶啲甜味，其實就咁食當乾撈麵食都好正！撈埋湯汁就更加濃郁～
牛展同牛肚滷得好入味，牛展腍得黎唔會鞋，牛肚好易咬開之餘仲保留到爽爽地嘅口感，勁出色🤗 第一次食真係好驚艷，大家嗌一麵兩食呢款實冇死🤪
另外一款嘅手工肉燥味道都唔錯！肉燥肥瘦均勻，肉燥汁香而不膩，係好快就可以成碗清晒個種～
而且小食都可以揀返牛展牛肚，不過我哋已經有所以就嗌台式香腸、香炸雞翼呢啲普通款黎試下，都是不錯的，都係推薦試咗牛展牛肚先，好食/相對抵食太多😂
呢間10分推薦！💛
﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣
二悅
元朗合益路9-15號紀業樓地下G號舖
張貼
