Tram View Cafe

營業中

休息中

朋友同我講山頂纜車旁邊既一條小巷上有間cafe，仲可以近距離咁睇纜車，所以我地周末就上左去。其實間cafe既位置都幾隱蔽，通常都唔會行果段路，所以都比較難發現間cefe，人都相對地少。不過都好既，可以享受下寧靜既感覺。不時都會有纜車經過，而且非常近距離。店内仲有d宮崎駿動畫既小擺設，好得意。叫左個set B，有沙律、薯餅、麵包、茄汁豆同omelette，其實都幾豐富。 薯餅係岩岩整好既，熱辣辣，正！其他沙律、麵包、茄汁豆都正正常常。 Omelette又整得幾好wor，個蛋煎得剛剛好，保持到個嫩滑，而且仲有少少黑松露既味道。另外仲叫左個Yogurt，諗住特別少少，所以叫左個菠蘿紅豆脆麥乳酪。整體偏甜，菠蘿味道有少少化學，而且d脆脆唔太夠脆，所以一般。整體黎講，其實都幾好。食物都ok，環境寧靜，又望住纜車都幾寫意。