彩晶軒

營業中

休息中

今日同屋企人去咗元朗站嘅彩晶軒，雖然雖然係平左但係都等左一陣。平日飲茶都要等位，證明質量不錯。四大一細，食咗啲點心同埋小菜，質素都OK。點左菜苗餃、馬拉糕、小籠包、苦瓜炒燒腩、叉燒酥、蝦腸、叉燒包、炒飯。小籠包正正常常，但唔好期望好似去上海餐廳食咁皮薄餡靚，個皮始終爭啲。叉燒酥個酥皮幾好食，好鬆脆但唔會好油。蝦腸已經幫你切好晒，一件一粒蝦，非常均真，唔驚爭蝦食😂😂我姨生女最鍾意食馬拉糕，不過我本身唔鍾意食，所以我無食，姪女話好好味喎。（其實佢食所有嘢都話好食😂😂）其他食物不過不失，但係都OK嘅。