巧興麵食店

營業中

休息中

一向都無寫食評既習慣，突然傻咗，竟然連續有呢個興趣，可能呢個興趣突然消失，想寫就寫啦！去高山劇場看節目之前都要食嘢，泊好車，隨口請教大堂職員，她好好人話，附近好多嘢食，呢度樓上都有，有粥、有茶餐廳、有水餃。。。我一聽到水餃，就即刻問邊度呀？於是就按指示來到巧興，細細間，唔係新裝修，但係乾乾淨淨，簡單一眼見嗮，點咗豆漿、牛肉麵、油菜、菜肉雲吞、涼拌雞絲，半份煎餃。全部交足功課，油菜唔係用碟裝，係用碗裝，所以份量都幾多！最愛涼拌雞絲，醬汁出奇好味，雞肉嫩，但係唔記得影相；煎餃比較油膩，不是煎，應該話係炸，哈！菜肉雲吞肉汁多；牛肉麵牛肉麵湯汁好香，好好食！食得飽飽慢慢步行上高山, 一樂也 ！：)