麺屋‧黒琥 (已結業)

這間拉麵店已經食了有五次以上，其實呢未睇open rice前已經有食，當我睇嘅時候我發現食評一般，第一次試的時候應該是約兩年前，其實本人覺得同日本拉麵店的味道接近，而且當其時我都見到有日本人食，當我去五次都有兩次有日本人， 如果日本人都去嘅話應該唔會太差，但還有一間在下面少少斜路，港式大排檔隔離有一間肥仔拉麵都超多日本人！好，咁講返呢間拉麵店先，我今次選了套餐B $100，有招牌黑琥拉麵 + 燒雞肉丼⬅️--迷你的。反而我覺得個set幾抵食，因為碗麵份量冇少到，即係個飯其實加＄10就有啦！個飯加左マヨネーズ蛋黃醬，我超鍾意😁當然每個人口味都唔同啦！再叫了一個炸雞塊和溏心蛋！價錢已忘記了！😂當然唔係一個人食晒啦，對面嗰位拉麵我無影到😂但近一兩次食碗麵個湯底冇咁熱，好似失色咗少少，但黑蒜味夠濃。至於叉燒比較硬但又唔係好難咬個隻，拉麵有嚼勁。其實呢碗拉麵好食過日本嘅四大天王嗰間，佢嗰度真係好難食個湯底超鹹，以前成日以為日本到到都好食，但其實我都試過一啲唔好食嘅店！其實呢啲拉麵店我覺得都唔錯吖，未到一蘭嗰啲咁商業化吖嘛。