和平飯店 (V Walk) (已結業)

適逢周日，想同朋友係返工之前食一轉上海菜，特登黎到深水埗V Walk 和平飯店。6點左右黎到無需等位。餐廳環境舒適清雅，窗邊亦有不少雅座。靠牆梳化位亦相當吸引。餐枱枱面看似雲石風枱，帶一點現代高貴感。菜餚味道亦令人滿意，要特別一讚小籠包，皮薄餡靚湯汁鮮甜。四川擔擔麵亦專為港人口味作出調整，微辣之中亦不失本來風味。松子桂花魚比起印象中在又一城王家沙食到的要略失色，但都值得一嚐。另外要再讚上菜速度，落單一兩分鐘已陸續上檯。下次重臨會試埋宮保雞丁、和平炒飯！