王牌冰室 (友邦香港大樓) (已結業)

因為公司係附近，又可以用Openrice落單外賣自取，慳返d時間，王牌冰室差唔到變成我嘅飯堂。（利申，不是收錢廣告）睇得出佢嘅裝修係有俾心機，想突出香港特色呢個主題。佢最出名應該係“特濃牛乳滑蛋叉燒蝦仁飯”，平時我d同事多數都係叫呢款飯，大部份都會讚好食。我本身唔太鍾意食滑蛋，平時大多叫常餐或者麵餐，麵餐都幾多選擇。佢嘅多士比較特別，用咗丹麥多士。粉麵嘅湯底偏淡，無乜味，鍾意濃味d嘅朋友，建議選擇蕃茄湯底。佢都有炒粉麵，其中肉絲炒麵最特別，汁同麵會分開上，d麵整成一個個細麵餅，非常脆口，同一般有d脆麵有d濕麵嘅整法好唔同。鍾意食脆麵嘅朋友，可以試下。