生活知味 (已結業)

我係依間生活知味嘅常客, 但真係一次又一次嘅失望... 食物質素越嚟越差, 唔係份量少咗就係味道奇怪!! 今次仲要喺OP開a/c留食評!! 侍應服務態度欠佳已經唔在講! 今次仲要死撐~事源係我老公叫咗個鹽酥雞扒米線, 個鹽酥雞扒嚟到, 我見到有兩層炸漿.... 意思即係返炸過, 清晰見到裡面有層炸到暗黃色同外面新炸金黃色嘅炸漿... 老公即刻要求換, 個侍應話係咁喎!! 亦冇意慾拎去換~ 講真佢依間嘢我真係食咗好年, 我即刻同佢講我哋成日嚟食都唔係咁樣, 佢先死死地氣拎去換! 當換返嚟之後一望, 係鹽酥豬扒.....想點?? 我哋都冇氣再講!!食完即走~~講真我當然係覺得有問題先要求換, 因為我唔知依塊雞扒點解要炸兩次! 難道係前晚賣唔晒隔夜再返炸過嘅?睇嚟我兩公婆之後都係食返普通茶仔算~