KK Pub & Cafe (已結業)

星期日夜晚出旺角買野…同朋友仔想搵個地方醫肚，千挑萬選黎左kk pub…呢度勝在唔貴，選擇又多。我叫左南瓜汁帶子石斑意粉，朋友仔叫左海鮮拼炸蟹鉗焗飯。兩個都飲羅宋湯，味濃料多，唔錯！餐包係微波爐出品…味道一般…海鮮焗飯好香好好味…算係幾足料。石斑意粉只見帶子碎，但就有３塊石斑，都算幾抵食。意粉好香蒜蓉味，正！飲埋個熱檸水就埋單。呢度有分吸煙區，不過非吸煙區位置非常少。得幾張檯咁大把。唔食煙o既食客要諗清楚。