吉壽日本料理 (已結業)

今晚就第一次試吉壽！去到留下來見到有個姐姐係到派單張我就嚟睇吓啦！正常晚餐時間都係＄198位可以食兩個鐘都算OK啦！咁一上到去呢，就已經可以入去坐啦唔使等位！環境呢我就覺得都幾逼夾啦！安排我哋坐係一個偏僻D位置，不過仲好啲冇咁嘈！咁之後呢我哋就開始睇嘢落單啦，都算多選擇！刺身有好多款！雜菇炒帶子同埋呢個串燒！揀咗牛肉串雞串，雞肉串出色，好食冧身夠入味，牛肉串就正常囉！跟住呢就北海道牛乳鍋，我見上面寫推介咁我就試吓啦，普普通通過得去啦，牛乳未唔特別出色跟住天婦羅啦一口芝士好好食！口感一流！其他嘢都冇乜特別正常嘢好啦最後就到壽司，一個叫魚子赤蝦壽司係最好食嘅！每舊壽司去都唔會好大件！細細件咁就可以試多幾款啦！留下攞咗單張上面九折優惠卷可以即時用架！咁所以呢就變相係免加一！咁如果＄200來講一餐飯都算抵食嘅！會再來😄