中村藤吉 (已結業)

由開業到依家，講咗話食十年都未食到，今日因為weekday嘅關係，本人差唔多系唔需要等嘅情況就有得食。仲要十萬個好彩地被安排咗去坐窗口位，都可以話個景令成件事加咗唔少分。餐廳預先準備咗一壺焙茶比客人。望完個景一輪之後，我地分別點咗焙茶生茶啫喱同抹茶芭菲。兩者之間，我會比較喜歡抹茶芭菲。最頂層嘅cream有很濃嘅奶味，加上下嘅卜卜米，抹茶mousse，抹茶啫喱，紅豆同白玉，雖然系原始嘅芭菲配搭，但味道亦不過不失，mousse不會太甜。而焙茶生茶啫喱就普普通通，並冇太大驚喜。焙茶啫喱雖然顏色很深，但茶味卻一般，不太濃烈。白玉一如既往都系冇味嘅小丸子，但質感幾好。相反，旁邊嘅焙茶雪糕卻岀奇地有更明顯嘅焙茶味，令原本冇乜味嘅啫喱同白玉加反啲味。整體而言，甜品味道不過不失，中庸喇，亦比較適合食得唔太甜但又想食甜品嘅人。作為一個茶嘅愛好者，我會覺得佢地嘅茶(枱上嗰壺)比甜品好。茶，始終都系雙手拎住茶杯，熱騰騰咁飲落口滿足啲。